ਹੋ ਸਕਦੀ ਹੈ ਟੁੱਟੀ ਖੋਪੜੀ ਦੀ ਮੁਰੰਮਤ
ਮੰਨੋ ਜਾਂ ਨਾ ਮੰਨੋ ਇਹ ਸੱਚ ਹੈ ਕਿ ਮਨੁੱਖ ਭਰੂਣ ਦੇ ਸਟੇਮ ਸੈੱਲ ਤੋਂ ਫੁੱਟੀ ਖੋਪੜੀ ਦੀ ਮੁਰੰਮਤ ਕੀਤੀ ਜਾ ਸਕਦੀ ਹੈ. ਵਿਗਿਆਨੀਆਂ ਦੇ ਇੱਕ ਕੌਮਾਂਤਰੀ ਦਲ ਨੂੰ ਸ਼ੋਧ ਦੇ ਦੌਰਾਨ ਚੂਹਿਆਂ ਦੀ ਖੋਪੜੀ ਵਿੱਚ ਹੋਏ ਸੁਰਾਖ਼ ਨੂੰ ਭਰਨ ਵਿੱਚ ਕਾਮਯਾਬੀ ਹੱਥ ਲੱਗੀ.
ਉਹਨਾਂ ਨੇ ਚੂਹਿਆਂ ਵਿੱਚ ਸਟੇਮ ਸੈੱਲ ਦਾ ਪ੍ਰਤੀਰੋਪਣ ਕੀਤਾ ਸੀ, ਜਿਸ ਨਾਲ ਹੱਡੀ ਦੀ ਨਵੀਂ ਕੋਸ਼ਿਕਾ ਬਣੀ. ਇਹ ਖ਼ਬਰ ਡੇਲੀ ਟੈਲੀਗ੍ਰਾਫ ਨੇ ਦਿੱਤੀ ਹੈ.
ਹਾਲਾਂਕਿ ਵਿਗਿਆਨੀਆਂ ਦੀ ਸ਼ੋਧ ਮੁੱਢਲੀ ਅਵਸਥਾ ਵਿੱਚ ਹੈ, ਪਰੰਤੂ ਇਸ ਨਾਲ ਇੱਕ ਰਾਹ ਵਿਖਾਈ ਦਿੱਤਾ ਹੈ, ਜਿਸ ਨਾਲ ਮਨੁੱਖੀ ਸਟੇਮ ਸੈੱਲ ਦਾ ਇਸਤੇਮਾਲ ਵਿਵਹਾਰਿਕ ਇਲਾਜ ਵਿੱਚ ਕੀਤਾ ਜਾ ਸਕਦਾ ਹੈ.